Urdu Ki Behtareen Ghazal,

 

Dil Ne Gham K Pahaar Ko Dekha
Main Ne Khud Mein Daraar Ko Dekha,

Dasht Kehta Hai Mujh Se Hairat Se
Main Ne Tujh Mein Ujaar Ko Dekha,

Khauf Aasaib Ban K Aa Betha
Dil Ne Khud Ro Se Jhaar Ko Dekha,

Ban Gaya Hai Khala Mere Andar
Main Ne Apni Pichaar Ko Dekha,

Main Khudi Se Nikal Gaya Bahir
Jo'n Hi Nafrat Ki Aar Ko Dekha,

Naqsh Chehray K Dhul Gaye
Jab Bhi Dil Main Bigaar Ko Dekha.